SAÚDAS

   Amosar a nosa ledicia pola celebración da XXI edición da volta ciclista a Galicia da que dúas etapas van a transcorrer polo noso Concello.

   Un evento que vai servir para poñer en valor as nosas potencialidades paisaxísticas e que dado o seu carácter mediático vai ser un escaparate marabilloso do noso concello e da nosa comarca en xeral; é evidente que servirá para potenciar o turismo no noso concello, un sector este polo que levamos apostado firmemente dende fai tempo; vai servir polo tanto, para mellorar a precaria economía local que temos os pequenos concellos do medio rural.

 

   Ao mesmo tempo brindamos o apoio incondicional a este evento deportivo que pon en valor o ciclismo, non soamente ao ciclismo profesional se non que invita tamén á práctica amateur do mesmo, práctica que como ben sabemos está en auxe, grazas tamén a referentes como Álvaro Pino, Óscar Pereiro ou Ezequiel Mosquera entre outros.

   Gocemos polo tanto estes días da Volta e agradecer á Federación, institucións, forzas e corpos de seguridade para que este evento se converta nun gran éxito deportivo.

​